بالاضافة لهيك الهم كتير فوائد 

اهمها بنضفو البشرة وبيعطوها نعومة وترطيب ، بيساعدو على نضارة البشرة ، بقللو ظهور علامات التقدم بالعمر ، بنضفو البشرة بعمق ❤️❤️

الصابون المغربي بناسب جميع انواع البشرة 🥰

واهم شي احكيلكم اياه الطريقة الصحيحة لتستخدمو الصابون والليفة المغربية لتحصلو ع افضل النتائج

اتبعو هاي الخطوات يلي كاتبتلكم اياها ورح تاخدو افضل نتيجة: 

١- انقعو الليفة المغربية بمي سخنة واتركوها ع جنب .. 

٢- لازم يكون حمامكم كلو بخار وادخلو بالمي السخنة مع البخار لمدة ٥دقايق.. 

٣- بعدها وزعو الصابون ع جسمكم كلو واتركوه عالجسم ٥ ل ١٠ دقايق ..

٤- اشطفو الجسم من الصابون بالمي السخنة، بعد ما تشطفوه كامل ضلكم بالحمام لبين تنزل المي ويترطب جسمكم منيح، وممكن تستعملو فوطة او منشفة لتنشفو المي عن جسمكم بس ضروري تكونو لسا بالحمام الدافي يلي فيه بُخار .. 

٥-اعصرو الليفة من المي وافركو جسمكم بالليفة بالضغط مو بسرعة ليطلع كل الجلد الميت ، اضغطو عالليفة واسحبوها لتحت وشوفو الجلد الميت يلي ح يطلع منكم وقتها 🤦🏼‍♀️

ازا اتبعتو هاي الخطواط ح يطلع كل الجلد الميت وتحسو بنعومة وترطيب بجنن 🧖‍♀️

واهم شي بعد الحمام المغربي تستخدمو مُرطب للجسم مو عطري